Pro 15 puntadas, onni sabadu amus a atobiare protagonistas e espertos de cinema, chi nos ant contare contos e paristòrias subra sos film sardos prus famados e sos film de sa vida issoro.
Su tìtulu, LINU A COLORES, faghet riferimentu a su telu biancu chi s'impreat pro sas poietziones e chi, onni borta, si colorat de sos colores de s'arcu in chelu, de sos colores de sas pellìculas, de sos bisos chi su cinema nos ischit regalare.
Sa sigla est TRAVEGGOLE, de Aghera.
Traveggole, est a nàrrere una cosa chi no est comente dd'aiamus bista, chi pariat in una manera e invetzes est in un'àtera. Gasi est su cinema, nos mustrat una cosa pro un àtera, a bortas nos faghet bìere mezus sa realidade, a bortas nde fraigat una noa, fata de bisos e de fantasia, de disizos e timorias.
Bos ispeto totus. Onni sabadu, pro totu s'istadiale,
a mesudie e mesu in Radio Uno
