Mànnigos de atualidade: s'arrieddu

Dae oe a sabadu, in TCS a sas 8 e cuartu de sero amus a chistionare de su fotovoltàicu de Narabulia. Amus atobiadu a su Comitadu "S'arrieddu".

Sunt puntadas de importu, ca si faeddat de su territòriu nostru.
Ospite Claudia Zuncheddu.

RADIO UNO RAI: Totu e nudda, su programma de s'istadiale.

Ocannu puru, comente s'annu passadu bos amus a fàghere cumpangia, cun Bachisio Bandinu, cun sa trasmissione Totu e nudda, onni lunis in Radio Uno Rai a mesudie e mesu.

Su programma de s'stadiale at a èssere:
1. s' 8 de trìulas at a èssere cun nois Mauro carta, presidente de s'ACLi de sa Provìntzia de Casteddu e cun issu amus a chistionare de traballu e prus che totu de pitzinnos chi chircant traballu;
2. su 15 de trìulas amus a tènnere in istùdiu a Claudia Zuncheddu e cun issa amus a chistionare de sa lege eletorale de sa regione Sardigna;
3. su 22 de trìulas amus a intervistare a s'assessore de su turismu Luigi Crisponi. Cun isse amus analizadu sa situatzione de su turismu ocannu in Sardigna;
4. su 29 de trìulas amus a atobiare a Graziella Caria de Guspini, mere de unu mobilifìciu chi faghet parte de sa retza de LA CASA VERDE CO2.0, coordinada dae Daniela Ducato;
5. su 5 de austu amus a tènnere cun nois a Oriana Putzolu, segretaria de sa CISL, chi nos at a faeddare de traballu de prus che totu de sas fèminas in su traballu a dies de oe;
6. su 12 de austu amus a chistionare de cantu a tenore cun Andrea Deplano, chi est istudiende su sinnificadu de sos sonos de su cantu;
7. su 19 de austu amus a atobiare a Omar Onnis chi nos at a presentare su libru TUTTO QUELLO CHE SAPETE SULLA SARDEGNA E' FALSO
8. su 26 de austu amus a intervistare a Omar Bandinu de su tenore de Mialinu Pira de Bitti e sos tenores de aterue;
9. su 2 de cabudanne amus a atobiare a Giacomo Mameli pro faeddare de cultura in sas biddas;
10. su 9 de cabudanne amus a chistionare de iscola de de autonomia iscolàstica cun mariella Marras;
11. su 16 de cabudanne amus a intervistare a Mario Medde, ex segretario CISL, chi nos at a contare s'istòria de sa CARTA DE ZURI
12. su 23 de cabudanne amus a atobiare a Salvatore Dedola, chi nos at a contare sos istùdiu chi est faghende subra su raportu intre limba sarda e limbas antigas de su mèdiu Oriente.

Mànnigos de atualidade, puntadas dae su primu a su 6 de trìulas

Custa chida semus andados a Udine pro unu atòbiu de importu mannu chi est istadu organizadu pro festare sos 20 annos de sa carta europea de sas limbas de minoria. Amus intervistadu a William Cisilino, diretore de s'Arlef, Marco Stolfo, espertu de minorias linguisticas e operadore de isportellu de su Comune de Udine. Semus andados a Radio Onde Furlane e amus atobiadu a su diretore Mauro Missana, amus intèndiu a Carli Pup, a Pauli Cantarut e duos pitzinnos bravos meda: sos Cjastrons.
Gòbia e chenàbura incumintzamus a unu viàgiu pro cumprèndere mègius ite est sutzedende in Provìntzia de Aristanis, in ue multinatzionales de s'energia sunt pedende permissos pro chircare gas e geotèrmicu e in ue multinatzionales cinesas ant giai cumintzadu a pònnere serras fotovoltàicas chi sunt pistighinzende meda sos citadinos. Issaras, chirchende de cumprèndere mègius amus intèndiu espertos e citadinos. Sas primas bator puntadas sunt subra su progetu Eleonora, sas àteras ant a faeddare de s'atzione de su comitadu s'arrieddu e de su progetu Cuglieri

Lunis: Udine, Cunferèntzia pro sos bint'annos de sa Carta Europea dea sas limbas de minoria
Martis: Cunferèntzia pro sos bint'annos de sa Carta Europea dea sas limbas de minoria
Mèrcuris: Radio Onde Furlane
Giòbia:  Radio Onde Furlane
Chenàbura:  Arborea: Progetto Eleonora
Sabadu: Arborea: Progetto Eleonora