Sàbodo passau, in Casteddu, sos pastores ant fatu una festa, ant chircadu de furriare a ballu su chi ballu no est, ant chircadu de fàghere a cumprèmdere ca issos non sunt cussos de sas gherras contra a sos politziotos, ant fatu a cumprendere ca su chi cherent est paghe e possibilidade de pòdere triballare pro su pane chi ddis ispetat. Ma su chi prus m'at zau cuntentesa, sàbodo, est istadu su sonu, sa mùsica de sa limba nostra, chi pro una note est torrada in via Roma, est torrada in cussas carrelas, forte comente mai in custos urtimos annos. Su chi mi domandu est: ma sos "onorevoles" chi setzint in via Roma e chi candu si càndidant foeddant de limba e identidade comente chi fessant su pane issoro, ddos ant a cumprèndere? Fortzis, sa prima incomunicabilidade est linguìstica.
Nessun commento:
Posta un commento