L'ARENA DEGLI IDIOTI

Ariseo m'est capitau de abadiae po pagos minutos una trasmissione de Rai Uno, L'arena, cun Giletti. Mi seo frimmau a dd'abadiae ca fiant foeddande de Van der Sfroos, unu musicista chi mi praghet meda. Ma seo abarrau siddiu de sas cosas chi sunt istètios capatzes de nàrrede custos macos. A interbènnere fiant Pupo e su diretore de "La Padania" a un'ala, Malgioglio e Klaus Davi a s'àtera. Deu meu. Sa chistione fiant "sos dialetos". Ma i dialetti al festival di San Remo non ci fanno nulla, chi li capisce? at incumunitzau Lamberto Sposini. Ce li tradurranno at nau issaras Marina Occhiena dei Ricchi e poveri, sì ma l'unica vera lingua che vale la pena sentire oltre all'italiano è il napoletano, at nau issaras Malgioglio e sa zente at aplaudiu. Ricordiamo che è il festival della canzone italiana, at nau Lamberto Sposini bogandende a pizu una chistione che dae su tempus de su fascismu no fiat istètia mai prus asinchi biatza. Ma a cussu puntu est interbènniu Klaus Davi e at nau una cosa chi fiaus ispetande a issu a dd'intèndede: prima ci sarebbe da imparare l'italiano, altro che dialetti e sottolineo dialetti, perchè non sono lingue e c'è una bella differenza, nè. Nonono, fermi tutti, est interbènniu issaras su diretore de La padania, il sardo e il friulano sono le uniche lingue riconosciute, e totus dd'ant abadiadu comente a nàrrede, da chi, ma ita catzu ses nande. Ma a sa fine nande e non nande, zustu o non zustu at nau sa sua Sgarbi, chi fintzas a cussu momentu, frigandesindi de èssede in collegamentu fiat zogande cun su telefoneddu:  Non c'è nazione senza lingua e non c'è lingua senza nazione. Totus ant aplaudiu, Malgioglio pentzande ca s'italianu fiant sa limba de sa natzione sua e su diretore de sa Padania fiat immaginande su lumbard limba ufitziale de sa Padania. Totus cuntentos. A dònniunu sa natzione sua.