Sunt incomintzadas sas registratziones de sa trasmissione Mànnigos de atualidade 2013. Istùdiu nou, format nou (10 minutos), dae su 4 de martzu, pro 5 meses, dae su lunis a su sabadu s'informatzione in limba sarda est in TCS!
Sa trasmissione prodiuda de TCS est fata paris a Roberta Soru, Alessandro Paglietti, Luca Bandinu.
In custas dies amus a comunicare sos oràrios e de chida in chida amus a publicare sos temas chi ant a èssere afrontados.
Podimus antitzipare ca in sas primas puntadas amus a faeddare de teatru, paris a Gianluca Medas, de su comitadu "il fiocco verde", paris a Juanneddu Sedda, de agricoltura, paris Banne Sio e de su FOLS, paris a sos operadores de isportellu e sos mastros chi ddu sunt sighende in custas chidas in Paule.
Custa trasmissione est de importu mannu ca pro sa prima borta una trasmissione in sardu at a andare in onda pro chimbe meses onni die (dae su lunis a su sabadu). Custa est de seguru una manera de fàghere intrare su sardu in totu sas domos. Ischimus ca est una responsabilidade manna e pro custu isperamus de fàghere una trasmissione bella e ùtile (pro sa gente e pro sa limba).
Nessun commento:
Posta un commento