Cisàus in su Portale de TISCALI

Oe ant publicadu in su portale de TISCALI, in sos ispetàculos, una intervista chi m'at fatu Cristiano Martini Sanna subra Cisàus. Pùblico su link, pro chie dda cheret lèzede passande prima dae inoghe...TISCALI/ISPETACULOS, INTERVISTA

RECONQUISTA

Comente sos ispanniolos cun sos àrabos in sa penìsula ibèrica, nois puru, una dia o s'àtera amus a dèpere conchistare torra sa terra nostra.

Sàbodo passau, in Casteddu, sos pastores ant fatu una festa, ant chircadu de furriare a ballu su chi ballu no est, ant chircadu de fàghere a cumprèmdere ca issos non sunt cussos de sas gherras contra a sos politziotos, ant fatu a cumprendere ca su chi cherent est paghe e possibilidade de pòdere triballare pro su pane chi ddis ispetat. Ma su chi prus m'at zau cuntentesa, sàbodo, est istadu su sonu, sa mùsica de sa limba nostra, chi pro una note est torrada in via Roma, est torrada in cussas carrelas, forte comente mai in custos urtimos annos. Su chi mi domandu est: ma sos "onorevoles" chi setzint in via Roma e chi candu si càndidant foeddant de limba e identidade comente chi fessant su pane issoro, ddos ant a cumprèndere? Fortzis, sa prima incomunicabilidade est linguìstica.

LABORATORIO DI CINEMA A GUASILA

dae s'11 de su mese de santugaine a su mese de ghennarzu de su 2011 in Guasila ddi at a èssere unu laboratòriu de cinema interessante meda, cun Antonello Zanda, Gianni Olla, Paolo Carboni, Federico De Virgiliis, Elisabetta Randaccio, Marco Antonio Pani e Duilio Caocci. Sos atòbios sunt organizados dae su sòtziu de Gianluca Medas paris a su sòtziu Babel e cun su cuntributu de su Comune de Guasila e de sa provìntzia de Casteddu.

De apo a fàede una letzione subra s'istòria de su cinema in limba sarda su 23 DE SANTANDRIA e apo a acumpanzare a Paolo Carboni.

S'iscritzione est de badas. Bastat a telefonare a su nùmeru o iscrìere a sa e-mail chi sunt indicados in sa locandina:

chie sunt sos sardos?

Ariseo fui acanta de mi pònnede a prànghede biende sas immagines de sos pastores, iscutos, inzuliaos. Babbos de famìllia trisinaos in terra ca fiant dimandende rispetu po su triballu issoro, po sa terra issoro. Ma aiu crètiu de bìede una cosa asinchi, mai.
Sinnale maru, in Casteddu.
Sa zente cheret s'anzoneddu arrostiu in dias de festa sena mancu nde connòschede orìgine e significau;
sa zente non connòschet prus sa terra;
sa zente no ischit prus de ibua benit.

Dia trista.

Non cherzo betare crupa a sos poliziotos ca sunt fùstighi mòviu dae àteras manos, ma creo chi una cosa siet mancada ariseo, comente medas àteras bortas: in cussu logu, in via Roma ("capitale" italiana muda e inùtile) ddi a funt òminis chi non si sunt abadiaos in cara, òminis chi non si sunt connotos che frades, sardos.

Dia de lutu.

MONUMENTI APERTI A ORISTANO

JANNABERTA

Pro chie non dd'at intèndia:

JANNABERTA, PRIMA PUNTADA

Totu sas puntadas ant a èssere disponìbiles in sa Sardegna Digital Library.

candu sa Sardigna cambiat

Oe est incumintzada sa trasmissione noa de Radio Uno Sardegna Jannaberta. Nde seo cuntentu meda. Micheli Ladu cun s'allirghia sua, sa cumpetèntzia de Cristina e Simone e sa mùsica de Ratapignata, Arrokibi roots, Lame a Foglie d'oltremare, m'ant fatu a cumprèndere ca in sardu si podet fàghere de a beru dònnia cosa, si podet faeddare de cosmologia, de filosofia, de Hume e de Jarabe de Palo, de su passau, de su presente e de su benidore. Gràtzias ancora a totus. Depimus fàghere ancora 16 puntadas, ma a pustis de oe mi paret de nde àere fatu prus de sa metade. Chida chi intrat amus a atobiare sa poesia de Anna Cristina Serra. In onore suo pùblicu su link de unu iscritu bellu meda chi aiat fatu po Cabudanne de sos poetas: CABUDANNI DE TERRA.