Mèrcuris su 30 de santandria 2011
in sa Biblioteca regionale de Casteddu (Viale Trieste 137), a sas 6 de sero,
in ocasione de su BABEL FILM FESTIVAL (www.babelfilmfestival.com) ddi at aèssere unu atòbiu de importu mannu pro su festival, ma fintzas pro su dibàtitu semper atuale e problemàticu subra su raportu intro sas Istitutziones (s'Istadu, sas Regiones, sas Provìntzias e sos Comunes) e sas limbas de minoria.
Ocannu su Babel Film Festival at tentu s'onore mannu de àere otentu su patrotzìniu dae sa Regione Autònoma Valle d'Aosta e dae sa Provìntzia Autònoma de Trento, duas Istitutziones semper atentas a sas chistiones de sas minorias e de sos pòpulos alloglotos chi istant in sos territòrios issoro.
Pro custa resone, tenende s'oportunidade de ddos tènnere òspites nostros pro su festival, paris a sa Regione sarda, amus ammaniadu unu atòbiu pro allegare de sas minorias linguìsticas in Italia e mescamente de su raportu intro sas Istitutziones e sa tutela, promotzione e balorizatzione de custas minorias.
Ant a interbènnere:
Laurent Vierin, assessore a s'istrutzione e cultura de sa Regione Valle d’Aosta
Luigi Chiocchetti, assessore a sas minorias linguìsticas de sa Regione Trentino Alto Adige
Sergio Milia, assessore a sa Cultura Regione Autònoma de Sardigna
Graziano Milia, presidente de sa Provìncia de Casteddu
Massimo Zedda, Sìndigu de Casteddu
Marilena Defrancesco, Dirigente de su Servìtziu Minorias linguìsticas de sa Provìntzia de Trento,
Serafino Corrias, assessore a sa Cultura de sa Provìntzia de Aristanis
Enrica Puggioni, assessore a sa Cultura de Casteddu
a ddos coordinare at a èssere su giornalista Piersandro Pillonca
Est de importu mannu a b'èssere, ca sos pòpulos cando s'atòbiant a pare sunt prus fortes.
Nessun commento:
Posta un commento